Bashkëshorti i ish-fermeres së “Ferma VIP”, Sara Karaj, Darti Malaj, feston sot ditëlindjen. Me këtë rast, Sara i ka dedikuar një mesazh të ndjerë në rrjetet sociale, duke e cilësuar atë si “djalin më të mirë në botë”.
Në postimin e saj, ajo ka vlerësuar rolin e Dartit si bir, baba, vëlla dhe partner, duke theksuar përkushtimin dhe dashurinë që ai tregon ndaj familjes.
“Gëzuar ditëlindjen ‘djalit më të mirë në botë’. Fëmijës që ende sot lë gjithçka për një përqafim të prindërve. Babit që mund të jetë i lodhur nga gjithçka, por kur vjen puna te fëmijët, gjen gjithmonë energji për një lojë tjetër, një xhiro tjetër, një të qeshur tjetër. Vëllait që është aty pa kushte. Partnerit që do të përballej me gjithë botën për njeriun e zemrës”, shkruan Sara.
Ajo vijon më tej duke vlerësuar karakterin dhe besnikërinë e bashkëshortit të saj, ndërsa e cilëson atë si “shokun e bangës dhe të jetës”.
“Ne një botë ku shumë njerëz ndryshojnë me kohën, ti ke mbetur i njëjti, i vërtetë, besnik dhe me zemër të madhe. Dhe ndoshta kjo është arsyeja pse të duan kaq shumë të gjithë. Shoku im i bangës dhe i jetës, sot festojmë ty”, përfundon mesazhi i saj.
Sara Karaj ishte një nga konkurrentet më dinamike të sezonit të tretë të “Ferma VIP”, duke spikatur me energjinë dhe karakterin e saj gjatë qëndrimit në fermë. Ajo u eliminua vetëm pak ditë para finales së madhe të spektaklit.
View this post on Instagram
