Ajo arriti kulmin e suksesit të saj me grupin “Spice Girls” në fillim të viteve 90′. Ndërkohë që ka shumë kohë e shkëputur nga muzika, për t’ju përkushtuar botës së modës, duket se Victoria i është rikthyer sërish këngës, por kësaj radhe për programin e famshëm të James Corden “Carpool Karaoke”.
Përmes një postimi të bërë në Instagram, ditën e mërkurë, 42-vjeçarja ka kënaqur fansat duke treguar një pjesë nga prapaskena e xhirimeve të programit të famshëm.
Beckham është një nga të shumtët artistë që i bashkohet këtij programi të suksesshëm të drejtuar nga James, në të cilin kanë qënë të ftuar këngëtarë si Justin Bieber, Adele, Elton John dhe shumë të tjerë.