Autoritetet italiane kanë arrestuar për qëllime ekstradimi Fadil Ternova, 38 vjeç, i shpallur në kërkim nga drejtësia shqiptare.
Sipas autoriteteve, ai akuzohet se në vitin 2024, në aksin rrugor Bulqizë–Tiranë, ka tentuar të vrasë me armë zjarri automatike shtetasin me iniciale A. P., pas një konflikti verbal për motive të dobëta.
Po ashtu, në vitin 2023, Gjykata e Dibrës i kishte caktuar masën “Arrest në burg” edhe për veprën penale “Goditjet për shkak të detyrës”, kryer në bashkëpunim.
Njoftimi i policisë:
“Shtetasi i arrestuar në Itali, shtetasi Fadil Ternova.38 vjeç, lindur në Bulqizë, pasi Gjykata e Dibrës:
-në vitin 2024, i ka caktuar masën e sigurisë “Arrest në burg”, për veprat penale “Vrasja me dashje”, mbetur tentativë, dhe “Mbajtja pa leje dhe prodhimi i armëve, armëve shpërthyese dhe i municionit”. Në vitin 2024, në aksin rrugor “Bulqizë-Tiranë”, shtetasi F. T. ka tentuar të vrasë me armë zjarri (automatik), shtetasin A. P., pas një konflikti verbal me të, për motive të dobëta;
-në vitin 2023, i ka caktuar masën e sigurisë “Arrest në burg”, për veprën penale “Goditjet për shkak të detyrës”, kryer në bashkëpunim;
-në vitin 2018, e ka dënuar me 2 muaj burgim, për veprën penale “Mosbindja ndaj urdhrit të punonjësit të Policisë së rendit publik”.
