Marrëdhënia e Gwen Stefani dhe Blake Shelton, gjithnjë ka qenë një nga më të komentuarat për mirë në media, pasi ata gjithnjë e shfaqin hapur dashurinë për njëri-tjetrin. Shelton është i përkushtuar jo vetëm ndaj partneres së tij, por edhe ndaj fëmijëve Kingston, Zuma dhe Apollon dhe mbrëmjen e djeshme ata kanë bërë diçka që i ka dhënë një tjetër kuptim marrëdhënies së tyre.
Gwen ka postuar në një fotografi të katër duarve, të cilat i bën bashkë i njëjti tatuazh. Të tre fëmijët që këngëtarja ka me ish-bashkëshortin Gavin Rossdale, kanë bërë të njëjtin tatuazh me Shelton edhe pse bëhet fjalë për një tatuazh të përkohshëm.
Në fakt, këtë tatuazh Shelton e ka dizenjuar vetë dhe më herët është shprehur se është penduar paksa që e ka bërë.
“Më herët nuk më pëlqente por tani shumë njerëz vijnë dhe më thonë se është diçka shumë e bukur dhe duan të dinë kuptimin e tij”,- është shprehur Blake.
