Unioni i Gjyqtarëve, Shoqata Kombëtare e Gjyqtarëve dhe Shoqata e Prokurorëve kanë shprehur shqetësimin për vijimin e mosekzekutimit të pagave të magjistratëve, funksionarëve të organeve të drejtësisë dhe personelit të administratës gjyqësore e të prokurorisë.
Në një deklaratë të përbashkët, theksohet se Gjykata Kushtetuese i kishte lënë Kuvendit afat deri më 31 korrik 2026 për miratimin e ndryshimeve ligjore, duke argumentuar se pas përfundimit të këtij afati duhej të zbatohej mekanizmi i përcaktuar nga vetë Gjykata.
Sipas tyre, pas përfundimit të afatit, Këshilli i Lartë Gjyqësor (KLGJ) dhe Këshilli i Lartë i Prokurorisë (KLP) kanë marrë vendimet përkatëse për konkretizimin e llogaritjes së pagave.
“KLGJ dhe KLP nuk kanë marrë kompetencën e Kuvendit për të bërë politikë pagash, ata kanë konkretizuar pasojat e një vendimi kushtetues pasi afati i vendosur për ligjvënësin kishte përfunduar”, thuhet në deklaratë.
Në deklaratë gjithashtu kundërshtohet kërkesa e Ministrisë së Financave që KLGJ dhe KLP t’i dërgojnë Drejtorisë së Thesarit urdhërpagesat e llogaritura sipas formulës së mëparshme.
Sipas tyre, kjo krijon një kontradiktë, pasi Ministri i Drejtësisë ka pranuar publikisht se formula e vjetër është shfuqizuar.
“Nëse formula e vjetër është shfuqizuar, mbi çfarë baze ligjore kërkohet nga KLGJ dhe KLP që t’i dërgojnë Drejtorisë së Thesarit urdhërpagesa të llogaritura pikërisht mbi atë formulë?”, pyesin tre organizatat.
Ato argumentojnë se pas datës 31 korrik 2026 nuk mund të kërkohet zbatimi i një formule që nuk është më në fuqi, ndërsa vendimet e KLGJ-së dhe KLP-së, për sa kohë nuk janë goditur gjyqësisht, konsiderohen akte në fuqi dhe sipas tyre duhet të respektohen e të ekzekutohen.
Gjithashtu është kundërshtuar edhe nisma e re ligjvënëse e depozituar nga dy deputetë të Kuvendit, duke theksuar se ajo nuk mund të përdoret për të justifikuar bllokimin e pagave.
“Ekzekutimi i pagave të magjistratëve nuk mund të mbetet peng i pritjes për një ligj të ri, apo i mosveprimit të Kuvendit”, thuhet në deklaratë.
Në fund, Unioni i Gjyqtarëve, Shoqata Kombëtare e Gjyqtarëve dhe Shoqata e Prokurorëve kërkojnë:
- Ekzekutimin e menjëhershëm të pagave të magjistratëve.
- Sqarimin nga Ministria e Financave të bazës ligjore për kërkesën e zbatimit të formulës së vjetër.
- Respektimin e vendimit nr. 15/2026 të Gjykatës Kushtetuese.
- Ekzekutimin e vendimeve të KLGJ-së dhe KLP-së, për sa kohë
