Juventusi po përgatitet për sfidën ndaj Milanit, e vlefshme për javën e tretë të “Serisë A”.
Takimi do të zhvillohet të dielën në mbrëmje, ora 20:45, në “Allianz Stadium”, ndërsa të dyja skuadrat vijnë me nga gjashtë pikë pas dy javëve të para.
Në konferencën për shtyp, trajneri i Juventusit, Luciano Spalletti, foli edhe për afrimin e ri të skuadrës, Nick Woltemade, duke dhënë sinjale të qarta për mënyrën se si mund ta përdorë sulmuesin gjerman.
Spalletti bëri të ditur se Woltemade pritet ta nisë ndeshjen nga stoli, por nuk e përjashtoi mundësinë që ai të aktivizohet gjatë takimit.
“Fillimisht nuk mendoj ta aktivizoj, por mendoj se mund të futet në lojë”, u shpreh trajneri italian.
Spalletti vlerësoi veçanërisht aftësinë e Woltemades për të luajtur në kombinim me një tjetër sulmues. Sipas tij, gjermani di të krijojë hapësira dhe mund të përshtatet shumë mirë me Kolo Muanin.
Trajneri i Juventusit theksoi gjithashtu edhe avantazhin që Woltemade mund të sjellë në lojën ajrore, veçanërisht kur skuadra përdor topa vertikalë.
Woltemade iu bashkua Juventusit këtë verë nga Newcastle në formë huazimi deri në qershor 2027 dhe pritet të jetë një alternativë e rëndësishme në repartin ofensiv të bardhezinjve.
