Vëmendja e futbollit shqiptar zhvendoset sot në Shkodër, ku Vllaznia dhe Partizani do të përballen në një duel që premton emocione.
Sfida e javës së tretë të “SUPERIORES” do të zhvillohet në stadiumin “Loro Boriçi”, duke nisur në orën 18:30.
Të dyja skuadrat kanë pasur një start jo bindës të kampionatit. Vllaznia numëron 2 pikë në dy javët e para, pas dy barazimeve, ndërsa Partizani ka grumbulluar vetëm 1 pikë, me një barazim dhe një humbje.
Shkodranët vijnë në këtë takim pas tri ndeshjeve të fundit:
29 gusht, AF Elbasani 1-1 Vllaznia
21 gusht, Vllaznia 2-2 Skënderbeu
15 gusht, Vllaznia 2-2 Vora
“Demat e Kuq” regjistrojnë këto rezultate në tri ndeshjet e fundit:
29 gusht, Partizani 1-2 Laçi
22 gusht, Teuta 0-0 Partizani
6 gusht: AF Elbasani 1-3 Partizani
Bilanci i tre përballjeve të fundit direkte është në favor të shkodranëve:
4 prill 2026 – Partizani 0-2 Vllaznia
24 janar 2026 – Vllaznia 1-0 Partizani
23 nëntor 2025 – Partizani 1-1 Vllaznia
Mbetet të shihet nëse shkodranët do të vazhdojnë dominimin në këtë përballje direkte apo Partizani do të reagojë dhe do të marrë fitoren e parë në kampionat.
