Quhet Tocilizumab dhe për shumë njerëz sot është ilaçi i shpresës. Ky medikament mund të jetë një armë e re në luftën kundër koronavirusit, siç thotë Dr. Paolo Ascierto, drejtor i Imunoterapisë Onkologjike në spitalin “Pascale” në Napoli për mediat italiane.

 

“Përdoret në trajtimin e artritit reumatoid dhe ne onkologët e dimë sepse e përdorim atë për efektet anësore të disa ilaçeve të imunoterapisë. Tocilizumab është një ilaç që vepron kundër të ashtuquajturave stuhi të cytokines, është një reagim i rëndësishëm imunitar, i njëjti që ndodh në mushkëri pas infeksionit të koronavirusit. Prandaj lindi ideja që mund të ketë efekte positive.”

 

Ai tha se pas një bisede me homologët kinezë, ata pohuan se me këtë medicament janë trajtuar 21 pacientë në Kinë, të cilët kanë patur përmirësime të dukshme. Menjëherë pas kësaj edhe Italia ka trajtuar 6 pacientët e parë të saj.

 

“Nga pacientët e trajtuar ditën e parë, i pari ka dhënë përmirësime pas 24 orësh dhe pas 48 orësh parametrat e frymëmarrjes ishin shumë të mira. Pacienti i dytë kishte përmirësime, megjithëse të vogla. Për pacientët e tjerë duhet të presim ende.”

 

Leave a Reply

Your email address will not be published. Required fields are marked *