Deputetja socialiste Klodiana Spahiu ka kritikuar nga stiudio e QUO VADIS në Vizion Plus mënyrën se si po vepron opozita në Parlament, duke e cilësuar sjelljen e saj të papërgjegjshme dhe jo në përputhje me rolin që i kanë besuar qytetarët.
Spahiu u shpreh se opozita është kthyer në “shkollë nate”, duke ironizuar mungesën e deputetëve. Ajo shtoi se qytetarët kanë dalë në protestë, vetëm sepse s’ka një opozitë të denjë.
Pjesë nga biseda:
Spahiu: Në realitet, opozita është kthyer në shkollë nate aty. Kur duan vijnë, kur duan ikin në Kuvend.
Kikia: Shkolla e natës ka pasur më shumë rregull.
Spahiu: E drejtë. Në asnjë Parlament të botës nuk mbahet peng foltorja. Dhe në momentin e votimit të projektligjit, ti largohesh. Kjo është e patolerueshme. Ti nuk u shërben atyre qytetarëve që të kanë votuar ty, pra atyre qytetarëve që kanë votuar PD-në. Është opozita më e madhe shqiptare, duhet t’i kemi përballë. Ne sot i kemi njerëzit në shesh sepse s’ka opozitë. Dhe këtë e di gjithë Shqipëria.
/vizionplus.tv
