Lushnja mirëpriti grupet artistike të festivalit valles tradicionale në edicionin e 11 të tij duke gjallëruar kështu jetën kulturore të qytetit.
Ky event bashkon grupet folklorike duke përcjellë larminë e valleve sipas krahinave dhe veshjeve tradicionale.
Sot në natën e dytë, do të performojne grupet nga Kolonja, Kukësi, Fieri, Dibra, Vlora por edhe krahina te Kosovës.
FATOS TUSHE
KRYETAR I BASHKISE LUSHNJE
“Një traditë lushnjare që di të presë dhe përcjellë miq nga Shqipëria dhe Kosova. Vallja është vlerë e trashëgimisë kulturore të kombit shqiptar dhe vazhdon të jetojë e të trashëgohet brez pas brezi në grupet kulturore të të gjithë bashkive të Shqipërisë.”
Festivali Folklorik Tipologjik Kombëtar i Valles Popullore u zhvillua për herë të parë në vitin 2006 në qytetin e Lushnjës.