“Ferma VIP 3” çel siparin e rrugëtimit të tij sonte në mbrëmje! Një aventurë e jashtëzakonshme nis në ekranin e Vizion Plus dhe LIVE 24 orë në 2 kanalet e dedikuara.
Ky sezon rikthen në ekran moderatoren e dashur Arbana Osmani, e cila vjen me një energji të re dhe një qasje ndryshe ndaj këtij formati unik. Për të, “Ferma VIP 3” nuk është thjesht një spektakël, por një eksperiencë që vendos në qendër punën, përkushtimin dhe jetën reale, larg skemave klasike të lojës.
Lexo edhe :
Related Posts
Për mikforonin e “Vizion Plus”, Arbana u shpreh se ky projekt përfaqëson një sfidë të veçantë në karrierën e saj, duke theksuar se formati sjell modele pozitive për publikun, përmes personazheve që do të përballen jo vetëm me sfida, por edhe me punë konkrete në bujqësi dhe blegtori.
Moderatorja zbuloi gjithashtu se kasti i këtij sezoni është ndër më të spikaturit, me emra të njohur dhe me një karrierë të konsoliduar ndër vite, duke premtuar kështu një rrugëtim plot emocione, dinamika dhe momente që do të mbeten gjatë në vëmendjen e publikut.
“Është privilegj për mua të jem këtu, kënaqësi e madhe që punoj në një skuadër kaq fantastike. Ferma është një format krejt ndryshe nga gjithçka kam prezantuar më përpara dhe që kam ideuar më përpara, sepse në qendër të këtij formati është, në vend të lojës, puna. Dhe mua më pëlqejnë shumë njerëzit që punojnë dhe besoj që publiku do të ketë modele të mira për të ndjekur, sepse minimalisht do të ketë punëtorë, njerëz që do merren me bujqësi, me blegtori, me sfida. E përpos këtyre, pasi t’i përfundojnë të gjitha, do duhet të jenë edhe simpatikë për publikun. Jam e gëzuar që kemi një kast të shkëlqyer, janë personazhe, përveçse të njohur, shumica e tyre, shumë të njohur, që janë shënuar prej dekadash. Janë të gjithë njerëz me karrierë, pra që kanë një background të rëndësishëm artistik, por jo vetëm. Kështu që jam e sigurt që për njëqind ditë do të kemi mundësi të shohim gjëra të bukura, por edhe ta ushqejmë pak shpirtin”, u shpreh Arbana.
Nga kjo e premte, mos u ndani nga dy kanalet e dedikuara, si dhe nga ekrani i Vizion Plus. Starti i madh është sonte dhe gjithçka që do të ndodhë, do të flitet gjatë.
