Një 23-vjeçare është arrestuar nga policia e Lezhës ndërsa bashkëpunëtori i saj është shpallur në kërkim
Dy të rinjtë Flogerta Koçi, 23 vjeçe dhe Emiljan Nikolli 29 vjeç akuzohen për veprën penale “Vjedhja”.
Sipas policisë më datë 30.05.2025, në fshatin Fushë Mamurras, i kanë vjedhur një shumë parash, drejtuesit të taksisë ku ishte pasagjere 23-vjeçarja duke e kanosur me armë.
Më datë 10.05.2025, dyshohet se 29-vjeçari ka hyrë i maskuar në ambientet e një karburanti në fshatin Fushë Gjormë, ka kanosur punonjësin dhe në bashkëpunim me shtetasen e ndaluar, i kanë vjedhur xhiron ditore.
Vijon puna për kapjen e shtetasit Emiljan Nikolli.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme, për veprat penale “Vjedhja me dhunë” dhe “Vjedhja”, të kryera në bashkëpunim./vizionplus.tv
