Ndryshe nga kryebashkiakët e tjerë, Erion Veliaj arriti të sigurojë edhe detyrën e Drejtuesit Politik në Qarkun e Tiranës.
Në studion e “Zgjedhje 2021” në “Vizion Plus”, Veliaj shpjegoi se kjo nuk ka ndodhur vetëm në Tiranë. Ai tha se ka ndodhur e njëjta gjë edhe në Durrës e Kukës.
“Nuk është diçka vetëm për Tiranën, e njëjta gjë ndodh edhe në Kukës, ku Safet Gjici është drejtues qarku, edhe në Durrës. Më shumë është përshtatur rreth një personi që ka aftësi menaxheriale për t’i dhënë “dum” situatës, nuk jam përjashtim nga rregulli, por nuk jam as rregulli.”
