Të ftoj te pime pa dolli o mik, qe plagë lumturie, te shkëlqejneë në sy.
Mos m’u anko për zemrën që të dhëmb.
Fsheje dhembjen…
….të pimë o mik të pimë pa dolli, për atë që sot e quajmë tradhëti, ne që vdekjes i themi motër
Ky është dukumenti origjinal, ku poeti pa varr, siç njihet ndryshe Trifon Xhagjika, ka hedhur shkujdesur fjalët e shpirtit të tij plot zhgënjim nga sistemi i egër diktatoral.
Të tjera doreshkrime, libra të personaliteteve të shquar si Musine Kokalari, Sabiha Kasimati etj si dhe pikturat e Leke Tasit janë ekspozuar në Muzeun Historik, në kuadër të Muajit të kujtesës. Historiani Dorian Koçi këtë ekspozitë e quan një iniciativë të rëndësishme për të rivleresuar kontributin e figurave të së shkuarës.
Piktori Leke Tasi, i cili ka qenë i inetrenuar për 15 vite, shprehet se edhe pse është përpjekur të çlirohet nga kujtimet e diktaturës e ka pasur të pamundur që shenjat mos refektohen në punimet e tij.
