50-vjeçari Thimjo Rubati, i cili mbeti i plagosur pas atentatit me armë zjarri mbrëmjen e së premtes në Sarandë, ka dalë nga rreziku për jetën.
Rubati, i cili u transportua për mjekim më të specializuar në spitalin e Janinës, rezulton se ka marrë tre plumba në trup.
Lexo edhe :
Related Posts
Sipas burimeve pranë spitalit grek, dy prej plumbave kanë depërtuar në afërsi të mëlçisë, ndërsa një tjetër në zonën e shpinës, por fatmirësisht nuk kanë prekur organe jetësore.
Pas ndihmës së parë në Spitalin e Sarandës, ku iu dhanë edhe dy flakonë gjak, 50-vjeçari iu nënshtrua trajtimit nga kirurgët grekë dhe aktualisht gjendja e tij shëndetësore paraqitet e stabilizuar.
Ndërkohë, grupi hetimor ka vijuar punën për zbardhjen e atentatit. Ditën e sotme, hetuesit janë rikthyer në vendin e ngjarjes, ku po kryejnë kontrolle në një perimetër të gjerë për mbledhjen e kamerave të sigurisë dhe provave të tjera që mund të ndihmojnë në identifikimin e autorëve.
Paralelisht, disa persona janë shoqëruar dhe po merren në pyetje në kuadër të hetimeve për zbardhjen e plotë të ngjarjes.
/vizionplus.tv
