Një banesë është përfshirë nga flakët në fshatin Stan-Karbunar, në Njësinë Administrative Karbunar e Vogël.
Pas njoftimit të marrë në sallën operative të Policisë, drejt vendngjarjes u nisën shërbimet zjarrfikëse, të cilat ndërhynë duke neutralizuar zjarrin.
Si pasojë e flakëve, banesa ka pësuar dëme të shumta në pajisje dhe orendi shtëpiake. Fatmirësisht, nuk raportohet për persona të lënduar, pasi në momentin e rënies së zjarrit në banesë nuk ndodhej askush.
Policia ka nisur hetimet për zbardhjen e shkaqeve të zjarrit. Dyshimet paraprake janë se shkak mund të ketë qenë një shkëndijë elektrike.
