Në Teatrin “Petro Marko” në Vlorë po zhvillohen homazhet në nderim të gazetarit Enrik Mehmeti, i cili humbi jetën tragjikisht në një aksident.
Familjarë, të afërm, miq, kolegë të medias dhe qytetarë janë mbledhur për t’i dhënë lamtumirën e fundit gazetarit, duke shprehur dhimbjen dhe respektin për të.
Në ceremoninë mortore ka marrë pjesë edhe Kryeministri Edi Rama, i cili i ka shprehur ngushëllimet familjarëve të të ndjerit. Pas daljes nga ambientet e teatrit, Rama u ka përcjellë ngushëllimet edhe kolegëve të Enrik Mehmetit.
Gazetari Enrik Mehmeti humbi jetën mbrëmjen e djeshme (18 korrik) në Zvërnec, duke lënë pas dhimbje të madhe te familja, miqtë dhe kolegët e tij.
Në homazhe marrin pjesë përfaqësues të institucioneve, gazetarë, qytetarë dhe personalitete të jetës publike, të cilët po i japin nderimet e fundit gazetarit të ndarë nga jeta.
/vizionplus.tv
