Një vit më parë nisi zbatimin në praktikë i një prej marrëveshjeve më të rëndësishme, ajo e njohjes së viteve të punës mes Shqipërisë dhe Italisë.
Në këtë një vit interesi ka qenë shumë i lartë, për shkak edhe të numri të madhe të emigrantëve që jetojnë dhe punojnë në vendet fqinjë. Të dhënat flasin se përfituesit në total do të jenë mbi 500 mijë
Beskida Aliaj nga zyra e sindikatës për njohjen e pensioneve, e ftuar në emisionin e-ZONE tha se interesi ka qenë sipas pritshmërive.
“Vetëm pak kohë më parë numri i aplikimeve nga shqiptarët që jetojnë në Itali apo dhe në Shqipëri ka qenë mbi 10 mijë. Ndërkohë kjo është shifër, që ka ardhur në rritje deri këtë mes korriku. Por përballë këtij fluksi kaq të lartë aplikimesh përfituesit kanë qenë të paktë në numër tha”, Aliaj
Sipas saj një nga problemet që sjell vonesa ka të bëjë me kohën e verifikimit të viteve të punës.
“Në Itali është më e lehtë se ky verifikim i tillë bëhet për pak minuta, pasi çdo gjë është online. Në Shqipëri kjo procedurë kërkon kohë. Nga viti 2012 e më pas të dhënat janë online, më herët nevojiten verifikimeve në regjistrat fizikë të arkivave në Shqipëri. E gjithë kjo procedurë minimalisht kërkon 45 ditë kohë. Por në shumë raste e tejkalon edhe këtë afat”, tha Beskida Aliaj.
Aliaj, vijon më tej kur thotë se kjo marrëveshje për shkak të rëndësisë që ka, nevojitet të shoqërohet edhe me një fushatë informimi, pasi individët nuk kanë informacionin e nevojshëm.
Pas Italisë, Shqipëria po shkon drejt zyrtarizimit të marrëveshjes me Slloveninë. Më miratimin e saj shkon në 17 numri i marrëveshjeve të nënshkruara, ndërsa janë mbi 20 mijë përfitues prej tyre.
/vizionplus.tv
