Një burrë në Zelandën e Re është dënuar me tre muaj burg pasi pështyu një polic.
Sipas deklaratës së policisë së Zelandës së Re, burri u deklarua fajtor në një seancë në Gjykatën e qarkut në New Plymouth.
Policia nuk pranoi të shprehej nëse incidenti kishte lidhje me koronavirusin.
“Në mjedisin ku ndodhet incidenti ne kemi identifikuar pështymën si një rrezik përshkallëzues për zyrtarët e policisë dhe komunitetin dhe nuk do të tolerohet”, thuhet në deklaratë.
Në Zelandën e Re, një person mund të përballet me 14 vjet burg nëse pështyjnë ose kolliten drejt një personi tjetër dhe i infektojnë me një sëmundje.
Një incident i veçantë ndodhi edhe të mërkurën, kur dy adoleshentë po flisnin para një polici dhe njëri prej tyre tha se kishte COVID-19 e më pas pështyu përballë oficerit.
“Si rezultat i këtij sulmi, oficeri nuk do të jetë në gjendje të kryejë detyrat e tij brenda komunitetit dhe do të jetë në izolim për 14 ditë, i veçuar nga familja e tij”, tha policia në një deklaratë.
Zelanda e Re ka 1.239 raste të konfirmuara me koronavirus, përfshirë një vdekje.
