Sekretari i Pergjithshem i LSI Endrit Braimllari ishte i ftuar në edicionin qëndror të lajmeve në Vizion Plus.
Ai sqaroi edhe arsyen se përse partite opozitare u angazhuan për të firmosur një marrëveshje ku bien dakort në lidhje me kushtet që duhet të plotësohen që opozita të futet në zgjedhje.
“Në fakt opozita ka qenë e qartë në kërkesën e saj drejtuar mazhorancës dhe gjithë opozicionit publik. Ne kemi kërkuar qeveri tranzitore për ti hapur rrugën zgjedhjeve të lira dhe të ndershme. Tani ka ardhur momenti që të garantohet procesi zgjedhor në vend, që ne të kemi zgjedhje të lira dhe të ndershme.
Braimllari shtoi se e vetmja mënyrë që të kthehet besimi i qytetareve për zgjedhjeve të lira e të ndershme është krijimi i një qeverie tranzitore.
“Kërkohet të rikthehet besimi i qytetarëve, dhe besimi i qytetarëve për këto zgjedhje kthehet vetëm me një qeveri tranzitore, me një mandat të përcaktuar qartazi për ta çuar vendin në një proces që është legjitim dhe kthen parlamentarizmin në vend”.
