Blake Lively është një nga aktoret më të bukura dhe pozitive, por sërish jo të gjitha komentet për të janë pozitive. Bashkëshortja e Ryan Reynolds, ka dhënë një intervistë për prestigjozen Variety, ku thotë se përpiqet në maksimum të mos kërkojë në Google, emrin e saj. Lively shton: “Kam kërkuar më parë emrin tim në Google, dhe përfundova në depresion të plotë.”
Në fakt, Blake ka një prezencë të fortë online. Kur google-ohet emri i saj, shfaqen 22 milionë rezultate. Megjithatë, internetin s’mund ta cilësojmë si një nga gjërat që e bën Blake të lumtur, por familja e saj po.
Ylli i filmit “Gossip Girl”, vijon më tej në intervistë: “Njerëzit mendojnë se zakonisht karriera është gjëja më e shtrenjtë dhe për të duhet bërë gjithçka, por për ne është jeta personale. Familja është diçka e vërtetë që të jep siguri, sukses dhe lumturi.”
