Në prag të zgjedhjeve parlamentare, shoqatat e biznesit bënë disa propozime për partitë politike, për të adresuar shqetësimet e tyre të kahershme.
Mes të tjerash, bizneset kërkojnë një sistem të ri fiskal me një taksë të sheshtë 10%, rikthimin e kompensimit për fermerët, përjashtim nga taksa doganore për lëndët e para që importojnë për prodhimin e produkteve, apo edhe heqjen e taksës doganore 10% që paguhet nga industria kur importon mish.
Propozime bëri edhe sektori i turizmit, i cili kërkon të aplikohet bakshishi i detyrueshëm në faturë për personelin e shërbimit dhe të subvencionohen pagat e punonjësve të sektorit.
Ndërtuesit, nga ana tjetër, kërkojnë miratimin e fushatës së rivlerësimit, shfuqizimin e ligjit për strehimin social dhe që çmimet e reja të referencës të aplikohen vetëm për objektet e reja.
/vizionplus.tv
