Ish-kryeministri, Sali Berisha deklaroi se bojkotimi I zgjedhjeve në 30 qershor ishte një akt I mençur nga ana e PD.
Në një prononcim për mediat, nga selia blu, Berisha tha se zgjedhjet ishin një farsë dhe se raporti I OSBE/ODIHR, sipas tij, e vërtetoi këtë gjë.
Po ashtu ish-kryeministri Berisha theksoi dekreti Metës vijon të jetë në fuqi e se vetëm Gjykata Kushtetuese mund ta gjykojë atë.
“Misioni ODIHR me qartësi të plotë ligjore deklaroi se këto zgjedhje janë antikushtetuese në Shqipëri. Misioni deklaroi se dekreti i presidentit është në fuqi, dhe ai mund të sfidohet jo nga narkokomisionerët e PS në KQZ dhe jo nga narkogjykatësit. OSBE/ODIHR deklaroi se dekreti mund të gjykohet vetëm nga Gjykata Kushtetuese”
Më tej Berisha duke qëndruar në të njëjtën linjë si Presidenti Meta nuk I kurseu as sulmet në drejtim të Soros.
“Shqipëria sundohet nga një narkoshtet. Cila drejtësi të hetojë, narkodrejtësia? Cila mafie në botë heton veten. nëse drejtësia do kishte hetuar, s’do ishte kjo situatë në Shqipëri. Ajo pseudoreformë e Soros do t’i jepte Edi Ramës të gjitha pushtetet që e shndërroi drejtësinë në narkodrejtësi. Mafia nuk heton veten e vet. Dhe ndaj mos u sugjeroni shqiptarëve gjëra galante, sikur këtu është një vend me demokraci, e jo me të gjitha pushtetet e kapura nga një mafioz, Edvin Kristaq Avdyli, Edvin Kristaq Lala. Kush pengoi hetimin, opozita?”
