TIRANË – Kryetari i Partisë Demokratike, Sali Berisha, ka folur shkurtimisht për mediat para hyrjes në Kuvend.
Berisha deklaroi se, sipas tij, i vetmi akt i përgjegjshëm i kryeministrit Edi Rama do të ishte “të deklarojë fundin e tij”, duke shtuar se çdo veprim tjetër do të ishte “i pavlerë”.
“Kërkojmë shkrirjen e Parlamentit”, u shpreh kreu i PD-së, duke përsëritur kërkesat e opozitës për ndryshim politik.
Ditën e sotme, Kuvendi mban seancën e fundit plenare. Jashtë ambienteve të Kuvendit, mes forcave të policisë dhe protestueve janë shënuar tensione. Qytetarët kanë hedhur vezë dhe janë përplasur fizikisht me efektivët, ndërsa policia ka hedhur ujë në drejtim të tyre për t’i shpërndarë.
