Kreu i Grupit Parlamentar të Partisë Socialiste, Taulant Balla, ka publikuar një video ku shfaqet një efektiv policie i lënduar gjatë përplasjeve me protestuesit.
Në pamje, efektivi shihet i gjakosur në pjesën e kokës, ndërsa po merr ndihmën e kolegëve. Përmes një reagimi në rrjetet sociale, Balla dënoi ashpër dhunën ndaj forcave të rendit, duke e cilësuar situatën si një akt që tejkalon kufijtë e një proteste paqësore.
“Kjo nuk është më protestë paqësore, është terrorizëm. Gjaku i policisë është gjaku i shtetit. Kush ngre dorë kundër punonjësit të policisë, ka ngritur dorë kundër shtetit”, shkroi Balla.
/vizionplus.tv
