Klevis Balliu i është përgjigjur Sekretarit të Përgjithshëm të PD-së Gazmend Bardhi, pasi ky i fundit deklaroi mbrëmjen e djeshme se Berisha nuk ka arritur të mbledhë kuoten e duhur të firmave për thirrjen e Kuvendit Kombëtar të PD-së, dhe se sipas tij ish-kryeministri po luan bllofin.

 

Për këtë, Balliu theksoi se do të jenë strukturat e PD që do të bëjnë verifikimin jo vetëm tani por edhe gjatë Kuvendit.

 

“Gazmend Bardhi tha dje që duhet ti verifikojmë firmat e mbledhura dhe që Berisha nuk na jep mundësi. Jo Zoti Bardhi, strukturat e PD mund ti verifikojnë jo vetëm tani por edhe gjatë Kuvendit. Me të dhënat personale si numri i kartës së identitetit dhe gjithçka verifikohet, por ato nuk mund të bëhet publike për mediat në mbrojtje e të dhënave personale pasi ajo është shkelje ligjore dhe kushtetuese.  Ndërsa organet e partisë patjetër që po, mund ti kenë dhe mund ti verifikojnë. Janë 4200 firmat dhe të tjera po vijnë. Vazhdojmë përpara për një Parti Demokratike më të fortë, më të hapur dhe më të bashkuar.”

Leave a Reply

Your email address will not be published. Required fields are marked *