Mimoza Ahmeti, poetja që për muaj me rradhë mbajti të mbërthyer publikun pas spektaklit më të famshëm Ferma VIP 3 dhe fituesja e çmimit të madh, ishte e ftuar në studion e emisionit QUO VADIS të moderatores Pranvera Borakaj në Vizion Plus.
Fenomeni televiziv, Mimoza Ahmeti, në një rrëfim “pa dorashka” ndau për publikun eksperiencën e saj në formatin më të dashur.
Ajo tregoi të gjitha përjetimet, vështirësitë dhe momentet gazmore, që spikatën që në puntatën e parë të spektaklit.
Pjesë nga biseda:
Ahmeti: Fillimisht mu duk e lehtë, thash: Kjo do jetë një shëtitje në fermë. Nuk e mendoja të ishte ajo që pash dhe gjeta aty. Pata disa gafa që vinin ngaqë nuk orientohesha dot fare.
Borakaj: Për shembull, moment i gjumit?
Ahmeti: Jo vetëm moment i gjumit. Sepse unë nuk e konceptoja që çdo dhomë dhe gjatë gjithë kohës ishim në kamera. Dhe kur shkova të flija, pastaj e kuptova. Se po më thoshin është “prime”, duhet të ngrihesh. Mirëpo unë nuk e kisha dëgjuar ndonjëherë, sepse nuk kisha parë ndonjëherë një format të tillë. “Primer” kisha dëgjuar kohët e fundit që është një shtresë kremi që vendoset në fytyrë. Edhe u thash “prime kam unë”. Më e forta ishte kur kërkonin Rafaelën, që i thërrisnin “Fairy”, unë sapo kisha vënë një ilaç enësh në lavaman edhe u thashë atyre që “Fairy-n e çova në lavaman”. Dhe këta e kërkonin atje, të çuditur, dhe pastaj gjejnë ilaçin. Kisha vështirësi në mbajtjen mend të emrave, m’u desh shumë kohë të përshtatesha. Shumë e vështirë ishte dhe po ta dija se ishte aq e vështirë, do kisha hezituar shumë të hyja.
/vizionplus.tv
