Pako të dyshimta eksplozivi janë dërguar këtë të mërkurë në shtëpitë e ish-Presidentëve Barack Obama dhe Bill Clinton.
Sipas një zyrtari të zbatimit të ligjit, bëhet me dije se pajisjet ishin të ngjashme me atë që u gjetën të hënën në shtëpinë e miliarderit filantropist George Soros.
Ndërkohë “pajisja shpërthyese” në shtëpinë e çiftit Clinton në Chappaqua, Nju Jork, është gjetur nga një teknik që kontrollon postën e familjes, ndërsa pako në shtëpinë e Obamës është kapur nga personeli i agjencisë në Uashington.
“Shërbimi Sekret ka nisur një hetim penal gjithëpërfshirës që do të shfrytëzojë të gjitha burimet e disponueshme federale, shtetërore dhe lokale për të përcaktuar burimin e paketave dhe për të identifikuar ata që janë përgjegjës”, tha në deklaratë specialisti Mason Brayman.
