Marrëveshja për administrimin e parkut kombëtar të Butrintit është shoqëruar me debate të ashpra, fyerje e replika mes kryeministrit Edi Rama dhe deputetëve demokratë në parlament. Shefi i qeverise mbrojti marrëveshjen duke këmbëngulur tek pesha e emrit të “Fondacionit Shqiptaro-Amerikan për Zhvillim.” Por opozita ka akuzuar qeverinë se po e jep me koncesion edhe parkun e Butrintit duke mos bërë transparente kontratën.
EDI RAMA
KRYEMINISTER I SHQIPERISE
“ju këtu nuk po akuzoni ministrin e kulturës, ju këtu po akuzoni se fondacioni shqiptaro-amerikan, një fondacion me qindra miliona dollarë që janë kontribut i një grupi njerëzish që jetojnë ne ShBA që mbledhin fonde për Shqipërinë, që ju siguroj që nga pikëpamja ekonomike janë absolutisht ok, nuk kanë absolutisht asnjë problem, na paska hyrë në një marrëveshje sekrete me qeverinë e Republikës së Shqipërisë për të hapur bare dhe restorante në Butrint sepse për ju bari dhe restoranti janë akoma sot dhe gjithë ditën e vetmja mënyrë sesi e shikoni ju fillimin e konvertimit të politikës në para se ju jeni autorët e kioskave, ju jeni ata që mbushët Tiranën me kioska, ju jeni ata, dhe jeni të njëjtën, nuk ndryshoni, jeni të njëjtët, nuk ka rëndësi fare se disa nga ju nuk kishin lindur kur u mbush Tirana me kioska, kioskën ju e keni në kokë.”
INA ZHUPA
DEPUTETE, PD
“Butrinti tha ka partnerët tanë amerikanë, në fakt nuk na komplekson, kjo është vetëm fasada, DASH thotë se korrupsioni është endemik në të gjitha degët dhe nuk ka sesi ministria jonë e kulturës të mos jetë pjesë e këtij korrupsioni.”
Por më shumë se debat për administrimin e Butrintit, diskutimi sot në parlament ishte I ngarkuar me replika e fyerje për qasjen politike të mazhorancës e opozitës.
EDI RAMA
“Budallallëku në familjen tuaj është sëmundje ngjitëse se nuk ka se si të shpjegohet ndryshe që trashëgohet brez pas brezi. E keni në ADN-në e partisë suaj që të trashëgoni budallallëkun brez pas brezi dhe që ta bazoni të gjithë përsiatjen tuaj politike mbi të marrurit e njerëzve për budallenj. Ju jeni futur këtu, u futët ne këtë kope, mbaroi, sepse kopeja ka logjikën e vet, kopeja juaj, kështu që ju kioskën e keni në kokë, nuk është problemi që jeni të rinj apo të vjetër, ju keni të gjithë moshën e atij të vdekurit që e dini për të gjallë të gjithë, kështu që s’keni asnjë dallim ju”
ENKELEJD ALIBEAJ
“Pres sanksionet për deputetin Rama, vetëm gjendja mendore e rënduar e shpëton nga sanksioni’”
EDI RAMA
“Profesor, mos bërtit. Ti kujton se ta përmenda kot emrin? Ti kujton se ta përmenda emrin kot? Pikërisht ta përmenda pikërisht që të vish këtu se më ka marrë malli për ty profesor. Se nuk e kam pritur që ti të marrësh flamurin e luftës me Amerikën, por unë e shpjegoj ndryshe dhe këtë degradim tëndin. E shpjegoj si degradimin e pashmangshëm të të qenit pjesë e një kopeje ku budallallëku është sëmundje ngjitëse dhe thjesht është çështje kohe se kur i shfaqet sëmundja njërit apo tjetrit.”
Demokratët këmbëngulën në marrjen e masave ndaj kryeministrit Edi Rama për fjalorin e përdorur në séancë, por kërkesat e tyre u injoruan.
