Një aksident i rëndë është regjistruar pasditen e sotme tek “Ura e Spatharit”, në Vaun e Dejës. Sipas informacioneve paraprake, një automjet ka dalë nga rruga dhe ka përfunduar në ujë.
Fatmirësisht, tre persona që ndodheshin në automjet kanë arritur të dalin. Ata janë dërguar me urgjencë në spitalin rajonal të Shkodrës për ndihmë mjekësore.
Policia ndodhet në vendin e ngjarjes dhe po punon për të sqaruar shkaqet e aksidentit.
“Rreth orës 16:10, në aksin rrugor “Mjedë-Spathar”, një automjet ka dalë nga rruga dhe ka rënë në liqenin e Vau të Dejës.
Si pasojë janë dëmtuar 3 shtetas që ndodheshin në automjet të cilët u nxorrën nga liqeni dhe ndodhen në spital, për mjekim.
Grupi hetimor ka shkuar në vendngjarje dhe po punon për zbardhjen e rrethanave dhe shkakut të aksidentit”, njofton policia./vizionplus.tv
