Mbrëmjen e kaluar është mbajtur ceremonia e ndarjes së çmimeve “MTV Movie & Tv Awards”, ku filmi hit i këtij viti, “Fast & Furious” fitoi çmimin prestigjioz “Generation Award”.
Sigurisht, i gjithë kasti u ngjit në skenë për të marrë trofeun, por ai që ra në sy ishte aktori Vin Diesel, i cili mbajti edhe një fjalim të shkurtër, por prekës ku falënderoi të gjithë produksionin, MTV dhe… Paul Walker.
“Më duhet të falënderoj brezin e sotëm që është i gatshëm të pranojë punën tonë, ku nuk ka rëndësi çfarë ngjyre ka lëkura juaj ose nga vini. Kur je një familje, je familje dhe asgjë tjetër nuk ka rëndësi”, – u shpreh Diesel.
“Unë nuk mund të qëndroj kurrë në një skenë ose të flas për “Fast & Furious” pa i dedikuar të gjithë dashurinë e mundshme vëllait tim, Pablo…vëllai tonë Pablo. Shpresoj të jesh krenar vëlla”, – ka thënë i përlotur aktori 49-vjeçar.
Çfarë do të bëni tani? Jepini një përqafim mikut tuaj të ngushtë!
