Ministria e Jashtme bëri të ditur se 5 qytetarë shqiptarë ndodhen aktualisht në Izrael dhe të gjithë janë në gjendje të mirë shëndetësore.
Një ditë pasi Irani nisi sulmet mbi Izrael, ministria sqaroi se po ndjek me vëmendje situatën e shtetasve shqiptarë atje, dhe deri tani nuk ka asnjë raportim për qytetarë shqiptarë të lënduar.
Për shkak të situatës, fluturimet janë ndërprerë dhe ministria këshillon qytetarët të qëndrojnë në kontakt me ambasadën shqiptare në Tel Aviv.
Ndërkaq Izraeli ka mbyllur të gjitha misionet diplomatike në mbarë botën, përfshirë edhe ambasadën në Shqipëri.
NJOFTIM
Ministria për Evropën dhe Punët e Jashtme po ndjek me prioritet dhe vëmendje të veçantë situatën e shtetasve shqiptarë në Izrael, të prekur nga zhvillimet e fundit.
Deri tani nuk ka asnjë raportim për qytetarë shqiptarë të lënduar apo të dëmtuar.
Aktualisht janë evidentuar pesë shtetas shqiptarë në Izrael: tre me status turisti dhe dy me qëndrim të përkohshëm.
Ambasada jonë në Tel Aviv është në kontakt të vazhdueshëm me ta. Të gjithë janë në gjendje të mirë shëndetësore, janë të informuar dhe po ndjekin udhëzimet e sigurisë të autoriteteve izraelite.
Njoftojmë se për shkak të situatës, fluturimet janë ndërprerë. Për çdo informacion shtesë dhe nevoja emergjente, lutemi të kontaktoni Ambasadën Shqiptare në Tel Aviv në numrat e emergjencës:
📞 +972 54 480 6601
📞 +972 54 904 2813
/vizionplus.tv
