Gazetarja Raziela Myslymaj tha në studion e Quo Vadis se problem i Partisë Demokratike është se se nuk është rikonceptuar ekipi.
Myslymaj u shpreh se PD hyri në zgjedhje me të njëjtat figura, çka sipas gazetares ka sjellë një rezultat të dobët në zgjedhjet 2025.
Raziela Myslymaj deklaroi se PS është më e avantazhuar, sepse situatën politike e ka më të qetë, përballë PD që është në një kaos.
“Porosia e fundit e Ramës ishte që drejtuesit politikë të nisin punën për zgjedhjet e ardhshme. PS është më e avantazhuar, sepse situatën politike e ka më të qetë, ndaj është gjithmonë gati nga një palë zgjedhje në tjetrën. Në çdo parti politike, përplasjet për lidershipin dalin në pah. Përballë përçarjes që ka pasur Partia Demokratike, Partia Socialiste në këtë aspekt është më komode”, tha gazetarja Myslymaj.
“Ju (drejtuar PD) përballë keni një kundërshtar që i trazon gjithmonë ujërat në partinë e vet. Ndërsa tek ju, problemi është se nuk është rikonceptuar ekipi. U futët në zgjedhje me të njëjtat figura”, shtoi gazetarja.
/vizionplus.tv
