Në ditën e tretë të numërimit të votave, ku tashmë fatet se kush do të qeverisë e kush do të jetë në opozitë në katër vitet e ardhshme janë përcaktuar, ndërsa lufta e vërtetë mbetet ajo mes kandidatëve në listë të hapur, të cilët po garojnë për çdo votë për tu bërë pjesë e parlamentit.
Një garë vërtetë e fortë deri tani është ajo mes dy kandidatëve në listën e PD-ASHM, Ilir Alimehmetit dhe Jorida Tabakut, të cilët garojnë për një vend në Kuvend deri në këto momente.
Kujtojmë që PD aktualisht ka marë vetëm 13 mandate në Tiranë, që do të thotë se vetëm 1 nga kandidatët që ndodhen në listë të hapur mund të marrë mandatin, dhe sipas Kodit Zgjedhor, e merr ai që ka më shumë vota.
Aktualisht Ilir Alimehmeti ka marrë 6077, ndërsa Jorida Tabaku ka marrë 6021 vota, një diferencë me vetëm 56 vota nga njëri-tjetri.
Megjithatë nëse PD do të ketë rritje nga votate diasporës mund të rimarrë mandatin e 14-të në Tiranë, të cilën ia mori një ditë parë Partia Mudnësia e Afron Shehajt.
