Kur dukej sikur po “fluturonte” dhe askush nuk mund ta ndalonte, Cristian Shpendi ka pësuar një dëmtim të frikshëm këtë të shtunë në Serie B.
Ajo që u pa në kamera gjatë ndeshjes Cesena-Cozenca, ishte një ndërhyrje brutale ndaj Shpendit, dhe më pas sulmuesin shqiptar që bie në tokë duke bërtitur dhe me lot në sy.
Në daljen nga fusha tifozët në “Dino Manuzzi” nuk i kursyen duartrokitjet. Edhe pse nuk dihet ende shkalla e dëmtimit, duket se Shpendi do të mungojë për disa javë.
Kujtojmë që Cristian Shpendi ka tërhequr vëmendjen edisa prej klubeve më të mira të Serie A falë paraqitjeve të tij me Cesenan ku një vit më parë u shpall golashënuesi më i mirë i Serie C, dhe këtë vit është kryegolashënuesi i Serie B.
Në 18 ndeshjet e këtij sezoni, Shpendi ka shënuar 12 gola në të gjitha kompeticionet dhe është shënuesi më i mirë në Serie B me dhjetë gola.
