Gazetari Arbër Hitaj, i ftuar në studion e QUO VADIS ka komentuar zhvillimet brenda Partisë Demokratike dhe garën për drejtimin e saj.
Gazetari i cilësoi zgjedhjet për kreun e PD-së si një “garë pa garë”.
Hitaj u shpreh se Ervin Salianji ishte figura që plotësonte kriteret për të përballur politikisht Sali Berishën, ndërsa kritikoi drejtuesit e PD-së për mungesën e një gare të hapur.
Hitaj: Është një garë pa garë. Salianji ishte kandidati që i plotësonte kriteret për të qenë përballë me Berishën. Ishte shumë i madh gabimi që ka bërë lidershipi i PD për të mos bërë një garë të hapur. Ka dy variante që janë në tavolinë: Berisha konfirmon grupin e tij. Nëse Berisha konfirmon figura të reja, është i destinuar të largohet edhe vetë. Në horizont janë zgjedhjet e 2027. Nga shtatori jemi kryesisht në stinën e zgjedhjeve. Ka një grup shumë të rinjsh, të talentuar. Dhe i morën, i futën në listë të hapur.
/vizionplus.tv
