“Nuk gjykojmë veprimet e SPAK”, Klosi: Nuk kemi asnjë shqetësim nga drejtësia e re

Me parullën “nuk komentojmë veprimet e drejtësisë”, Blendi Klosi, numri dy i Partisë Socialiste për thirrjen e kryebashkiakut të Tiranës Erion Veliaj nga SPAK për aferën korruptive të djegësit të kryeqytetit dha këtë përgjigje.

Lexo edhe :

Related Posts

Veliaj pas daljes nga SPAK: Inkurajoj Altin Dumanin dhe prokurorët të ecin vetëm përpara

Veliaj: Paraqita punën e mirë të bashkisë, i bëj thirrje Metës dhe Berishës të zbresin nga lartësia dhe të shkojnë në SPAK

Klosi: SPAK apo e gjithë drejtësia e re është një produkt i realizuar me vullnetin dhe me votat e PS. Një drejtësi e re e cila këtë duhet të arrinte në sytë e opinionit publik, pra që të gjykojë çdo rast që gjykohet se ka nevojë të analizohet, verifikuar apo më pas gjykuar. Nuk kemi asnjë shqetësim përsa i përket asaj qe qytetarët duan në vendin tonë, që të ketë një drejtësi ku parimin e parë ka pandëshkueshmërisë. Ne do të jemi të hapur dhe nuk do të gjykojmë apo komentojmë asnjë veprim te drejtësisë së re.

Në dukje të pashqetësuar për veprimet e SPAK ndaj forcës së tyre politike dhe një vit nga parlamentaret e 2025-ës, PS kërkon mandatin e katërt qeverisës. Për të ajo është hedhur në terren me rritjen e numrit të anëtarëve të rinj me 50 mijë dhe me një tur takimesh të Edi Ramës brenda Shqipërisë dhe në diasporë.

Klosi:PS fiton sepse punon shumë. Përgjigjia që morëm nga qytetarët ishte e jashtëzakonshme. Qarku Shkodër realizoi detyrat 200% me anëtarësimet e reja. Kërkonim 4 anëtare të rinj për çdo organizatë socialiste, pra 20 mijë anëtarë, ndërsa  ne arritëm 32 mijë. Kjo na dha bindjen se jemi në rrugë të mbarë. Sa i përket zgjedhjeve, jemi vetëm 1 vit nga dita e zgjedhjeve të 2025. Shumë pak kohë për një forcë politike qe e ka seriozisht politikën, e ka seriozisht kontaktin me njerëzit. Për një forcë politike që kërkon marrjen e mandatit të katërt, të fitojë sërish sic ishte rasti zgjedhjeve vendore.

Para kongresit të qershorit ku pritet të ketë ndryshime në skuadrën që do të udhëheq procesin parazgjedhor, të premten dhe të shtunën e ardhshme socialistët do të zgjedhin sipas formulës një anëtar, një votë, delegatët e rinj të kongresit. Rifreskimit do t’i nënshtrohet edhe një pjesë e anëtarësisë se asamblesë kombëtare dhe kryesisë së PS që është edhe organi kryesor vendimmarrës./vizionplus.tv