Ish-drejtuesi i Shërbimeve Informative të Shtetit, Fatos Klosi ishte i ftuar këtë të martë në studion e QUO VADIS në Vizion Plus nën moderimin e Pranvera Borakajt.
Gjatë intervistës, Klosi ka analizuar edhe atentatin e bërë ndaj presidentit amerikan, Donald Trump, të dielën e 25 prillit.
Ai u shpreh se raste të tilla, sidomos kur kryhen nga individë të vetëm, janë të vështira për t’u parashikuar, ndërsa theksoi se autorë të tillë shpesh synojnë të tërheqin vëmendje dhe të bëhen pjesë e historisë.
“Në SHBA ka ndodhur dhe kjo nuk është gjë e madhe për t’u çuditur. Në rastet individuale është më e lehtë. Ata nuk kanë si parashikohen. Një njeri që merr përsipër një akt të tillë nuk është normal, sepse nuk zgjidh gjë me një akt të tillë. Duan më shumë të tregojnë se kush janë e të bëhen pjesë e historisë. Atentatet e organizuara kërkojnë më shumë njerëz dhe rrit probabilitetin që shërbimet e inteligjencës të kapin diçka dhe t’i dalin para të keqes.
Nuk ka ndryshuar ndonjë gjë në teknologjinë e kësaj gjëje. Edhe atëherë sa kishin filluar celularët të përdoreshin. Celularët janë më inteligjentë, por kaq, nuk ka ndryshuar ndonjë gjë e madhe. Nëse dikush ka arritur t’i përgjojë, arrin të zbulohet si më parë, por në parim nuk ka ndryshuar ndonjë gjë e madhe.
Shërbimi përpiqet të kapë fenomene që në rrugë të tjera nuk mund të kapen dhe që nuk dihen të një organizate ose një njeriu. Në Shqipëri kishte vrasje në atë kohë. Në 1997 ka pasur shumë vrasje dhe situata ishte e trazuar”, tha Klosi në QUO VADIS.
/vizionplus.tv
