Eksperti i energjisë, Eduard Elezi nuk vlerëson se vendi ndodhet në një krizë energjetike, por, sipas tij, bëhet fjalë për një keqmenaxhim.
Nga studioja e “Quo Vadis”, ai u shpreh se kryeministri Edi Rama e përdor qëllimisht fjalën krizë, për të justifikuar kostot që rrjedhin nga ky keqmenaxhim.
“Kjo nuk është krizë, është keqmenaxhim. Për të justifikuar kostot që do t’u ngarkohen qytetarëve shqiptarë, atëherë del dhe anoncon fjalën krizë, e cila është justifikim i këtyre kostove. Gjasme që ne nuk kemi çfarë bëjmë, është krizë globale, tubat në Alaskë. Po t’iu futesh në analizë të gjitha të dhënave që ka nxjerrë enti rregullator, aty ka një keqmenaxhim që nuk i përket një eksperti të energjisë elektrike, por duhen organet kompetente që të ndërhyjnë urgjentisht.”
