Nëna e Florenc Kovaçit, i cili humbi jetën pas një sherri me thikë me disa të rinj pak ditë më parë në Elbasan, ka rrëfyer momentet e dhimbshme kur ka parë të birin të masakruar.
Për mediat, ajo ka kërkuar që autori i vrasjes të dënohet maksimalisht.
“E gjeta Lencin te hyrja e pallatit duke rënkuar dhe i mbushur gjithë gjak. Njëri sy i ishte mbyllur dhe rënkonte. Kur e kam çuar rrugës te dera e spitalit, aty dha shpirt. E kam çuar me ambulancë. Më tha; amanet gocën. Më pas nuk foli, vdiq në derë të spitalit. Unë dua të drejtën e fëmijës, ai të kalbet brenda në burg. Si më iku çuni im, ai të rrijë në burg pa afat. S’di ça kanë pasur. Ca të shihja më, pashë djalin të mbuluar gjithë gjak. E kishte goditur në zemër. Po e mbaj shpirtin me ilaçe. Se di se cili ka qenë shkaku. Ka qenë te dera e sportit, aty kishte roje. Djali im ikte në orën 5:00 deri në 15:00 në punë. E rëndë është gjendja e djalit tjetër. Doktori në Tiranë ia ka hequr shpresat. Djali që vdiq punonte në Metalurgjik. Edhe djali tjetër atje punonte.”
Më tej, ajo ka kërcënuar edhe vajzën, për të cilën u fol se ishte shkaku i nisjes së konfliktit. Nëna e Kovaçit tha se djali i saj iku nga jeta për shkak të një vajze që konsumon drogë.
“Ajo gocë, ka qenë një plehër, ajo është rrot k*rve, pinte drogë. Ka ardhur tek lagjja kur po qanim çunin. Vetëm mos e takofsha, do marr benzinë dhe do e djeg. Iku çuni im ashtu do iki dhe ajo. Sa të mbyll vuajtjen për çunin, nuk e lej të gjallë. Nuk kanë kërkuar falje, mos t’u shkoj në shpi se i shqyej. Djalin e gjeta në spital dhe më la amanet gocën, nuk mundi të fliste më e ksihin goditur me thikë në zemër”, u shpreh nëna e viktimës.
Ndërkohë, në gjendje të rëndë ndodhet edhe Mikel Kovaçi, vëllai i viktimës, i cili mbeti i plagosur nga përplasja me thika me të rinjtë.
