Një automjet tip fuoristradë është përfshirë nga flakët mesditën e sotme në zonën e Llogarasë, pak metra para hyrjes së tunelit.
Sipas informacioneve paraprake, mjeti është shkrumbuar kryesisht në pjesën e përparme, në zonën e motorit.
Dyshohet se zjarri mund të jetë shkaktuar nga një defekt teknik, i favorizuar edhe nga temperaturat e larta që kanë përfshirë ditët e fundit qarkun e Vlorës. Raste të ngjashme të përfshirjes së automjeteve nga flakët janë regjistruar edhe më herët në këtë zonë.
Menjëherë pas njoftimit, në vendngjarje kanë mbërritur forcat zjarrfikëse të Vlorës, të cilat kanë bërë të mundur shuarjen e flakëve dhe shmangien e përhapjes së tyre në zonën përreth.
Fatmirësisht, nga ngjarja nuk raportohet për persona të lënduar.
/vizionplus.tv
