Dy persona kanë rënë në pranga dhe 2 të tjerë janë shpallur në kërkim nga policia, pasi akuzohen për zjarrvënie të qëllimshme.
Të arrestuar janë një 67 vjeçar në Krujë dhe një 52 vjeçar në Vlorë.
Gjithashtu, u shpallën në kërkim shtetasit R. S., 62 vjeç dhe I. S., 35 vjeç, banues në fshatin Mallkeq (vëllai dhe kushëriri i 52 vjeçarit), pasi gjatë shoqërimit të shtetasit A. S., kanë kundërshtuar punonjësit e Policisë që t’i pengonin në kryerjen e detyrës dhe më pas janë larguar.
Policia e Shtetit apelon në mënyrë të përsëritur, për të gjithë qytetarët, fermerët dhe pronarët apo poseduesit e kullotave, që në asnjë rrethanë të mos ndezin zjarr. Gjithashtu, praktika e gabuar dhe penalisht e ndëshkueshme e djegies së mbeturinave në toka bujqësore ose kullota, përbën rrezik për përhapje të pakontrollueshme të flakëve, si dhe për dëmtim të pronës, shëndetit dhe jetës.
Policia e Shtetit fton qytetarët që të denoncojnë menjëherë, çdo shtetas që tenton të ndezë zjarr, duke iu garantuar anonimat të sigurt, reagim të menjëhershëm dhe konform ligjit.
