Në Voskopojë, është kremtuar festa e Shën Prodhromit, një nga ngjarjet më të rëndësishme fetare dhe tradicionale të zonës. Për shumë besimtarë kremtimet kanë nisur që një natë më parë, pasi dhjetëra prej tyre zgjedhin të kalojnë natën në Manastir, një një destinacion i njohur pelegrinazhi.
Me qindra qytetarë, besimtarë dhe vizitorë iu drejtuan fshatit turistik për të festuar këtë ditë dhe për të shijuar natyrën e mrekullueshme. Festa e Shën Prodhromit konsiderohet gjithashtu si çelja simbolike e sezonit turistik në Voskopojë.
Vizitorët patën mundësinë të njiheshin nga afër edhe me historinë dhe vlerat e veçanta të Manastirit, i cili konsiderohet një nga monumentet më të rëndësishme të Voskopojës.
Manastiri daton që në shekullin XIV dhe dokumentohet se zotëronte kodikë që në vitin 1330.
