Puntata e fundit për një fillim të ri konsiderohet nga kasti i “Alpazar” shfaqja e të shtunës mbrëma, ku duartrokitjet e publikut do të risjellin emocionet e munguara.
Nën petkun e personazheve, aktorët përgjatë më shumë se një viti pandemie kishin mungesën e emocioneve që japin artdashësit, ndaj tani janë të entuziazmuar për këtë mbyllje magjike.
Do të jenë sërish të njëjtët karaktere, por me emocione të reja si për moderatoren Inger Skura, ashtu edhe për aktorët e tjerë.
Sikundër, edhe spektatorit i ka munguar magjia pranë atistëve.
Por, autori Agron Llakaj premton se gjatë sezonit veror do të ketë edhe surpriza të tjera për besnikët e humorit, si për të rikuperuar mungesën e pranisë së publikut në sallën e shfaqjeve.
Këtë të shtunë mbyllet një tjetër sezon plot energji, emocione dhe të qeshura për të startuar në vjeshtë një vit tjetër me role dhe pjesë mbi aktualitetin, politikën e jo vetëm.
Pas verës, “Al Pazar” do të rikthehet në edicionin e tij të 10, kërë herë edhe me praninë e publikut.
