Balliu: Berisha nuk shpallet dot “non grata”, ai ka bërë historinë

Edhe ish-deputeti i Partisë Demokratike, Klevis Balliu ka dalë në mbrojtje të Sali Berishës.

Nëpërmjet një postimi në “Facebook”, Balli shkruan se Berisha nuk mund të shpallet non grata, për të cilin tha se është historia e luftës kundër komunizmit, e sjelljes së demokracisë, e anëtarësimit të vendit në NATO etj.

Sipas tij, lobingu Sorosis nuk do t’ia arrijë të bindë njeri në Shqipëri për të kundërtën.

“NUK SHPALLET NON GRATA HISTORIA

Sali Berisha është historia e luftës kundër komunizmit;
E sjelljes së demokracisë
E antarësimit të vendit në NATO
E liberalizimit të vizave dhe e orintimit Euroatlantik të politikës shqiptare.
Ai është mbrojtësi i Kosovës dhe vlerësuesi më i lartë i Demokracisë Amerikane.
Sali Berisha është roja i çështjes kombëtare dhe denoncuesi i krimit të organizuar dhe korrupsionit në nivelet më të larta të qeveritarëve të sotëm.
Lobingu Sorosis nuk ja arrin dhe kurrë nuk do tja arrijë të bindë njeri në Shqipëri për të kundërtën.”