Drejtuesi politik i Partisë Demokratike në Elbasan, Gazment Bardhi ka shkuar në fshatin Katund i Ri, ku jetojnë ende 45 familje. Bardhi shpreh se ky komunitet është një shembull i gjallë se si qeveria ka braktisut njerëzit në këto tetë vite.
Demokrati shprehet se në këtë fshat mund të shkohet vetëm me fuoristradë, sepse, sipas tij, askush nuk është kujtuar të bëjë pak më shumë se 1 km rrugë.
Një tjetër problem është mungesa e një qendre shëndetësore.
“Në vitin 2021, s’do të duhej të flinsim për mungesën e rrugës. Do të duhej sot të flisnim për projekte konkrete zhvillimi, që sjellin punësim, apo nxitje të bujqësisë e blegtorisë. Jemi duke fol për rrugën, sepse në 8 vite këta nuk bënë asgjë. Nëse do kishin vijuar me ritmin e punëve që bëmë ne kur ishim në qeveri, që bëmë tunelin e shumë vepra, atëherë kjo rrugë këtu do ishte bërë”, tha Bardhi.
Gazment Bardhi i siguroi se me ndryshimin që do të vijë me 25 prill, këto probleme do të zgjidhen.
“Duhet vënë një standard, u tha Bardhi banorëve, kush politikan premton, dhe nuk e mban fjalën, kush mashtron nëpër fushata dhe nuk kujtohet më për njerëzit, nuk duhet votuar”.
