Seriali i njohur turk “Halef” (Trashëgimtari), i prodhuar nga Gül Oğuz dhe Most Production, po përgatitet për sezonin e dytë, duke rritur pritshmëritë e publikut.
Kasti i serialit është mbledhur për provën e parë të leximit të skenarit, ku ishin të pranishëm edhe protagonistët kryesorë, İlhan Şen dhe Biran Damla Yılmaz. Ky takim shënoi gjithashtu prezantimin e parë të aktorëve të rinjë që i janë bashkuar kastit, si Yurdaer Okur, Mustafa Yıldıran dhe Ezgi Tombul.
Gjatë provës, aktorët lexuan skenarin e sezonit të ri dhe diskutuan mbi zhvillimin e historisë dhe personazhet që do të interpretojnë. Pas përfundimit të takimit, i gjithë ekipi realizoi një fotografi të përbashkët, përpara se të niste puna në sheshxhirim.
Në kastin e serialit bëjnë pjesë emra të njohur të kinematografisë turke, mes tyre İlhan Şen, Biran Damla Yılmaz, Onur Bilge, Veda Yurtsever, Mazlum Çimen, Mert Doğan, Ayşegül Cengiz, Beril Kayar, Ozan Çelik dhe İnci Sefa Cingöz.
Në sezonin e dytë, tre aktorët e rinj pritet të sjellin personazhe që do të ndryshojnë ndjeshëm balancat e historisë. Yurdaer Okur do të interpretojë personazhin e Sadullah Agës, ndërsa Mustafa Yıldıran do të shfaqet në rolin e Ramit, një personazh që pritet të ketë ndikim të rëndësishëm në historinë e Serhatit dhe Yıldızit.
Ndërkohë, Ezgi Tombul do t’i bashkohet familjes Kordağlı në rolin e Perihanit, duke sjellë një tjetër zhvillim të papritur në sezonin e ri.
View this post on Instagram
Me personazhet e reja dhe ndryshimin e ekuilibrave mes protagonistëve, sezoni i dytë i “Halef” pritet të sjellë më shumë përplasje, surpriza dhe zhvillime në historinë e serialit.
Kujtojmë se sezoni i parë i “Halef” (Trashëgimtari) transmetohet nga e hëna në të premte në ekranin e Vizion Plus, ora 17:00.
/vizionplus.tv
