Prokurori i Përgjithshëm, Adriatik Lalla, pranon korrupsionin ne sistemin e drejtësie, por përpara tij, ai sheh si shqetësim problemet ne sektorë te rëndësishëm te jetës publike. Kreu i organit qendror te akuzës ka folur per korrupsionin ne shëndetësi, arsim dhe koncesione, duke iu referuar perceptimit te publikut.
“Është e qartë se perceptimi i opinionit mbi korrupsionin në Shqipëri shtrihet në pjesën më të madhe të sektorëve të jetës publike. Qytetarët janë të bindur se ka korrupsion në shërbimet publike, në shëndetësi, në arsim, në tendera e koncesione. Natyrisht, pjesë e perceptimit për korrupsionin, dhe jo pa të drejtë, është edhe sistemi i drejtësisë. Për më tepër, korrupsioni në drejtësi lejon edhe korrupsionin në çdo aspekt të administratës publike. Kjo është arsyeja kryesore se përse duhet forcuar sistemi i drejtësisë, përse ai duhet të jetë sa më larg ndikimeve politike dhe të grupeve të tjera që synojnë shkeljen e ligjit”.
Duke u ndalur tek reforma ne drejtësi, numri nje i akuzës këmbëngul per nje konsultim me te gjere te saj me aktoret institucionale dhe publikun.
“Duke qëndruar tek projekti madhor i shtetit shqiptar për realizimin e Reformës në Drejtësi, është shumë e nevojshme që kjo çështje të diskutohet në sa më shumë rrethe publike, institucionale dhe shoqërore. Tashmë janë kushtet e nevojshme që vendi ynë të marrë përsipër nismat e nevojshme për t’u përafruar me legjislacionin e Bashkimit Europian. Të gjithë faktorët vendimmarrës në Shqipëri kanë shprehur vullnetin e plotë për forcimin e sistemit të drejtësisë në vendin tonë. Nga ana tjetër, partnerët tanë ndërkombëtarë po mbështesin maksimalisht nismat e shtetit në këtë drejtim”.
Miratimi i reformës ne drejtësi, do te sjelle ndërprerjen e mandatit per prokurorin e përgjithshëm. Adritaik Llalla edhe me herët ka shprehur rezerva per draftin.
