Nuk i mbajti dot lotët presidenti amerikan Barak Obama teksa prezantoi nismën per kontrollin e armeve te zjarrit, te cilat u kane marre jetën mijëra njerëzve, mes te cilëve edhe fëmije ne SHBA. Vendimin ekzekutiv për te cilin tha se nuk shkel te drejtat kushtetuese, qe e konsideron edhe sfidën me te madhe te mandatit te tij te dyte, Obama e paraqiti gjate nje fjalimi emocionues ne Shtëpinë e Bardhe, ku gjendeshin edhe te mbijetuar te masakrave dhe familjare te viktimave te tyre.
“Me shumë se 30 mijë njerëz çdo vit vriten nga armët në Shtetet e Bashkuara, duke përfshirë vrasje në masë dhe vetëvrasje, shumë më tepër në përqindje se në vende të tjera të zhvilluara të botës. Nuk mund te presim. Jemi këtu jo per te bere diçka per vrasjen e kaluar masive, por per te parandaluar tjetrën. Lobi i armeve mund te jete duke mbajtur tani kongresin peng, por ata nuk mund te mbajnë peng Amerikën”.
Per presidentin ky plan qe me herët nuk ka mundur te marre votat e mjaftueshme ne Kongres, do te shpëtoje jete. Ai parashikon më shumë kontrolle sa i takon te kaluarës dhe shëndetit të blerësit të armëve, si dhe që të gjithë shitësit të trajnohen për të bërë kontrolle mbi të shkuarën e personave që do të marrin këto armë. Nga ana tjetër do të kërkohen raporte mbi shëndetin mendor apo precedentët për dhunë në familje, si dhe do te rritet vëmendja e FBI-se për personat që marrin armët. Theksi vihet edhe tek zgjerimi i studimeve në teknologjinë e sigurisë së armëve. Plani i presidentit ka hasur ne kundërshtimin e kandidateve republikane per president, qe thonë se Obama ka shkelur Kushtetutën. Paketa ligjore per armët u rrëzua në kongres në vitin 2012. Ajo u prezantua pas një incidenti në një shkollë fillore në Konektikat, ku humbën jetën 26 persona, 20 prej të cilëve fëmijë.
