Pas një ndalese të suksesshme në Shkodër, ekspozita “Shqipëria 1921 – Eugène Pittard” është zhvendosur në Durrës duke sjellë të njëjtin udhëtim unik fotografik. Në vitet 1921 dhe 1924, Eugène dhe Hélène Pittard udhëtuan nëpër Shqipëri duke kapur në celuloid jetën e përditshme, qytetet, fshatrat, njerëzit dhe peizazhet e paprekura.
“Ishte detyrim ta sillnim në Durrës edhe për faktin tjetër se kemi të bëjmë më dokumente historike në këtë ekspozitë, sis është pallati I Pric Vidit, Torra Mesjetare etj”, thotë Elton Koritari, kurator.
Ambasadorja e Zvicrës në Tiranë vuri në dukje rëndësinë që ka trashëgimia e Pitard për Shqipërinë.
“Ata kanë një kontribut të rëndësishëm për shqipërinë dhe lidhjen meidis dy vendeve tona. Pitard ishte humanist dhe atropolog dhe ka një kontribut të shkëlqyer dhe bësoj se me anë të objektivit të tij ai solli jetën e shqiptarëve për atë kohë”, thotë Ruth Huber, ambasadore e Zvicrës.
Ekspozita ofron një vështrim të rrallë mbi vendin, parë nga sytë e akademikut të njohur zviceran. Vepra e tij fotografike prezantohet për herë të parë në materiale të shtypura dhe si përvojë digjitale për publikun.
